"ARDE LVCVS MMXIII". O 14, 15 e 16 de xuño LUCUS AUGUSTI arderá de novo!

          O “Arde Lucus” comezou a súa andaina no ano MMII (2002) ligado ao solsticio de verán e cun obxectivo primordial: rememorar a fundación da nosa cidade de Lugo recreando o seu pasado romano. Conxúganse os aspectos lúdicos e culturais, coa maior rigorosidade histórica posible. O recinto histórico amurallado transfórmase, cada ano durante tres días, en Lucus Augusti, destacada urbe da Gallaecia romana, ofrecendo a quen a visita un completo programa de actividades, nun marco incomparable como é a Muralla, que cobra durante a festa un especial protagonismo.

          Sen dúbida, a nosa cidade ofrece o marco idóneo para este tipo de festa. Outro elemento clave que non podemos esquecer é a implicación das súas xentes, os axentes sociais, colexios, asociacións, clubs deportivos... Xa sexa con roupas romanas ou castrexas, toman as rúas durante toda a fin de semana, participando activamente no espírito da festa.

          Grazas ao esforzo conxunto do goberno local, da cidadanía, das asociacións de recreación histórica e de diversos organismos privados que colaboran a través do seu patrocinio, o Arde Lucus foi medrando, converténdose nunha conxugación perfecta entre ocio e cultura, nun referente a nivel nacional, cunha grande repercusión mediática e de afluencia de público, e consolidouse de tal xeito que no seu décimo aniversario (MMXI) logrou o recoñecemento como Festa de Interese Turístico Galego. 

Programa para VENERIS 14, SATVRNII 15 et DOMINICVM 16 > http://www.ardelucus.com/arde-lucus-programa-1.php

Lucus Augusti (mapa) > http://www.ardelucus.com/lucus-augusti.php

Páxina Oficial en Facebook > https://www.facebook.com/ardelucuslugo?hc_location=stream

La Voz de Galicia: 149.000 € de subvención para potenciar o uso do idioma galego.

Velaí a potenciación do galego: desnormalización e outro couce ao idioma.

Quen pase o tempo en descifrar o significado do titular desta noticia, ou é un fenómeno, ou quizais non volva ler a edición deste xornal en galego na vida.

Unha vergonza! ...e unha falta de respecto ás declaracións de Manuel, o gandeiro: é imposible que fale así. 

_______________________________________________________________________________

Saber máis deste disparate lingüístico en > http://www.galiciaconfidencial.com/nova/14637.html

_______________________________________________________________________________

DOG Núm. 104




 
 









Luns, 3 de xuño de 2013  Páx. 19989

CONSELLERÍA DE CULTURA, EDUCACIÓN E ORDENACIÓN UNIVERSITARIA

RESOLUCIÓN do 24 de maio de 2013, da Secretaría Xeral Técnica da Consellería Cultura, Educación e Ordenación Universitaria, pola que se dá publicidade aos convenios de colaboración subscritos por esta consellería no primeiro cuadrimestre do ano 2013.

29.4.2013 Convenio de colaboración entre a Consellería de Cultura, Educación e Ordenación Universitaria e a Corporación Voz de Galicia, S.L.U. para potenciar o uso do idioma galego a través do xornal La Voz de Galicia que edita esta entidade: 149.000,00 €

O IES As Mercedes de LUGO en defensa do ensino público

A noticia aquí > http://www.lavozdegalicia.es/noticia/lugo/2013/05/28/instituto-as-mercedes-lleva-xunta-juzgados/0003_201305L28C19911.htm?idioma=galego

O instituto IES As Mercedes leva á Xunta aos xulgados.

Presentaron un recurso contra o decreto que elimina ESO e BAC do centro.

A plataforma cidadá en defensa do instituto lucense As Mercedes leva á Xunta aos xulgados. Fíxoo presentando un recurso contencioso administrativo no Tribunal Superior de Xustiza de Galicia (TSXG) contra o decreto 49/2013 que converterá o instituto nun centro integrado de formación profesional e suporá a desaparición de secundaria e bacharelato. Unha vez que a Xunta achegue a documentación pertinente, a plataforma poderá presentar o recurso de xeito firme, esperan que no mes de xullo. O seu obxectivo é paralizar o decreto e que se realice un estudo sobre as necesidades educativas na zona antes de tomar ningunha decisión.

Desde o colectivo, formado por profesores, pais de alumnos e veciños en xeral, reiteran o seu rexeitamento á decisión «unilateral» da Xunta. Consideran que a ampliación da oferta educativa de FP non é incompatible coa continuidade de ESO e BAC. Recordan o crecemento da poboación escolar no Illa Verde, que tivo que ampliar espazos, e que o propio CEIP As Mercedes está saturado. «A desaparición do IES As Mercedes non está xustificada, de feito se a Xunta o pecha vai ter que pensar en abrir outro no sur de Lugo», explicou o profesor Daniel López Bispo.

Os membros da plataforma mostráronse indignados en especial co conselleiro de Educación, Jesús Vázquez, que un mes antes de anunciar a conversión das Mercedes estivo no centro polo premio Schneider que gañaron, «pero non foi capaz de explicarnos directamente os argumentos para pechar o instituto, nin sequera estivo no debate parlamentario no que se tratou este asunto», recordan. Tamén mencionaron que hai xa dous meses que solicitaron unha entrevista con el, sen que ata agora obteñan ningún tipo de resposta.

A indignación deste colectivo creceu aínda máis se cabe estes últimos días, pois sospeitan que a Xunta non ten previsto ampliar a oferta de formación profesional o próximo curso nas Mercedes, onde continuarían exactamente os mesmos ciclos que se ofertan agora. «Isto é unha falta de respecto á comunidade educativa, e demostra mala planificación, que o que buscan é un recorte inmediato, non unha mellora da calidade educativa como argumentan», continúan.

De feito, explican que as aulas de secundaria e de bacharelato non valen para FP porque non cumpren as medidas esixidas: «Iso non é planificar, o lóxico se hai tanta demanda de FP é utilizar o centro de formación ocupacional que está a 300 metros».

Manifestación

A plataforma seguirá a súa loita, así que convocan a todos os lucenses a unha manifestación este xoves, que partirá ás 19.30 horas do instituto, subirá a Avenida de Madrid, San Roque, Ronda e terminará ante o multiusos da Xunta, onde lerán un manifesto. «Esta é unha reivindicación profesional e académica, pero sobre todo é unha reivindicación da cidade», afirman. De feito, levan solicitadas máis de 10.000 firmas de apoio.

Tamén recordan que co peche do instituto se masificarán outros centros e aumentará o número de alumnos por aula. As primeiras consecuencias xa se notaron coa escolarización dos alumnos que irían ás Mercedes e que agora deben facelo nos centros que lles asignou a Xunta (Lucus Augusti, Ollos Grandes e Sanxillao). Tiveron que botar man das prazas vacantes externas, é dicir, as dispoñibles para outros alumnos da cidade, que agora quedarán sen elas.

Galicia é unha mina (?)

"Galicia é unha mina", di un dos lemas da Dirección Xeral de Minas da Xunta de Galicia. E é verdade. Entre as comunidades autónomas, Galicia é só a sétima por superficie, pero a cuarta en produción mineira, con máis de 520 explotacións activas que xeralmente non son un exemplo de respecto á lei e ó patrimonio ambiental. Agora, coa escusa da crise e da procura dalgúns postos de traballo por algúns anos, a Xunta quere permitir que a codicia das empresas de minería convirta Galicia enteira nunha gran mina a ceo aberto, destruíndo o noso patrimonio natural, cultural e paisaxístico, poluíndo o medio ambiente e poñendo en perigo a saúde das persoas. Aínda hai tempo para salvar a Galicia, que agora está máis en perigo que nunca. Ou actuamos agora, ou ímola perder para sempre. Asina esta petición agora e solicita ao presidente da Xunta que non permita a destrución de Galicia.

Correlingua 2013. IES As Mercedes (LUGO): "Isto funciona, non o desintegredes"

           
           

Os nosos "Correlinguas" dos anos 2006, 2007, 2008, 2009, 2010, 2011, 2012 e 2013 en > http://endlasmercedes.blogspot.com.es/search/label/Correlingua

A lei educativa de Wert: a LOMCE

O 17 de maio de 2013, o día das Letras Galegas, cunha semana de atraso, o Goberno aproba a LOMCE. Unha reforma que inclúe reválidas ao finalizar cada etapa académica co obxectivo de loitar contra o abandono escolar. Agora comeza o seu trámite parlamentario. 

                               

                                          Analise lomce mariló candedo gunturiz 

Roberto Vidal Bolaño - Letras Galegas 2013 - Recursos

   

       more presentations or Upload your own. by socri

CGENDL > http://www.coordinadoraendl.org/letras2013/index.htm

RAG > 
Día das Letras Galegas - Actual - Real Academia Galega

Unha curta "recortada"

Curtametraxe, irónica e cun grande sentido do humor, sobre os recortes educativos e en defensa da escola pública realizado por alumnos e profesores de primaria en Valderrobres (Teruel), coa colaboración do IES da localidade, dirixida polo xefe de estudos Lorenzo Latorre

INFORMACIÓN SOBRE A FEITURA DESTA CURTA  > http://www.huffingtonpost.es/2013/03/16/un-corto recortado_n_2883055.html?utm_hp_ref=spain

VÍA > Blog “PONTE VELLA” da Biblioteca do IES Río Miño (Rábade -Lugo)

"Señoras Letras Galegas: vayan preparándose para dar el tradicional y enxebre paseo anual por algunos de nuestros periódicos...!"

I Xornadas sobre a conservación en castros galegos. Estado actual e perspectivas de futuro.

Blogue > http://castrodeviladonga2013.wordpress.com/xornadas/

Castro de Viladonga (Castro de Rei -Lugo)

Descargar boletín de inscrición en PDF

Saber máis en >

http://www.aaviladonga.es/

http://castrodeviladonga2013.wordpress.com

http://gl.wikipedia.org/wiki/Castro_de_Viladonga

http://gl.wikipedia.org/wiki/Museo_do_Castro_de_Viladonga

http://gl.wikipedia.org/wiki/Cultura_castrexa

E tamén, se tes Facebook, en >
https://www.facebook.com/GEAAT?hc_location=stream (Grupo de Estudos de Arqueoloxía, Antigüidade e Territorio da Univ.de Vigo)

"MADE IN GALIZA" de Séchu Sende (Sociolingüística-2º BAC)

BLOG DO AUTOR > "Eu nunca serei yo" 

http://www.blogoteca.com/madeingaliza/

Made in Galiza > Máis de corenta relatos moi breves, varios só de media páxina. O tema común á maioría é a lingua galega: actitudes diglósicas, niveis de uso, a vida das palabras. En case todos está presente a ironía, o humor, a difícil explicación das actitudes dos galegos perante a súa lingua, o compromiso de algúns co galego. Os meniños que non entenden por que os maiores lles falan a eles nunha lingua diferente, as avoas que tampouco entenden que os netos se avergoñen da fala. Moitas e variadas situacións, como a comicidade do relato en español: xa non se fala en Madrid o castelán. Ou a divertida palabra patrimonial que se ve acosada por un castelanismo. Ah, non se perda as instrucións para aprender galego ou o pavero diálogo entre o nh e o ñ.

                        

     Guía de Lectura de "Made in Galiza". Por Xosé María Moreno Villar 

      from Coordinadora Galega ENDL

Made in galiza from Rosa Varela

Para saber máis > 

http://lendomadeingaliza.blogspot.com.es/2010/09/antes-de-leres-o-libro.html

http://www.galiciae.com/nova/59982.html  (Entrevista)
http://lendomadeingaliza.blogspot.com.es/p/instrucions.html

Un pavero diálogo entre o "nh" e o "ñ": 

"NH POSITIVO"

- Olá, letra ñ.

- Ola...

- Eu som a letra ene e esta é o agá... Somos o ene-agá.

- Nh?

- Positivo.

- Anda!, pois encantada.

- Igualmente.

- E que tal?

- Pois tirando...

- E logo?

- A ver, é que temos um problema. Nós também re­presentamos a nasal palatal...

- Claro, vós sodes a competencia... Téñovos visto nalgunha pintada por aí...

- Ahá, as pintadas dam-se-nos bem...

- Véxovos moito nos sinais de topónimos, escritas por riba de min, por certo, con spray: Minho, A Corunha... E así.

- Pois...

- Ou nos muros, así en grande, "O único caminho é a luita"...

- Todo um clássico...

- E que contades logo?

- Pois nada, que estamos fartas...

- ...?

- É que levamos umha cheia de anos assi, fora da lei, e isto já tem que mudar...

- Boh, já o sabes ti bem, que já estamos fartas da censura...

- A ver, eu polo que sei en Galicia a exclusiva legal da representación escrita da nasal palatal téñoa eu..., que teño contrato indefinido co goberno desde..., desde 1981.

APRENDE A ESTUDAR

http://ntic.educacion.es/w3/eos/MaterialesEducativos/mem2006/aprender_estudiar/index2.html

Día do LIBRO

Un excelente Blog de lecturas, bibliotecas, libros... > http://trafegandoronseis.blogspot.com.es/2013/02/ilustrar-bibliotecas.html

E máis sobre Libros e Bibliotecas >

Cando os nosos xenes non puideron almacenar toda a información necesaria para a supervivencia, inventamos lentamente os cerebros. Pero logo chegou o momento, hai quizais dez mil anos, no que necesitabamos saber máis do que podía conter axeitadamente un cerebro. 

Deste modo aprendemos a acumular enormes cantidades de información fóra dos nosos corpos. Segundo cremos somos a única especie do planeta que inventou unha memoria comunal que non está almacenada nin nos nosos xenes nin nos nosos cerebros. O almacén desta memoria chámase BIBLIOTECA. 

Un LIBRO faise a partir dunha árbore. É un conxunto de partes planas e flexibles (chamadas aínda "follas") impresas con signos de pigmentación escura. Abonda botarlle unha ollada para oír a voz doutra persoa que quizais morreu hai miles de anos. O autor fala a través dos milenios de modo claro e silencioso dentro da nosa cabeza, directamente a nós. 

José Luis Sampedro (1917-2013), in memóriam

Economista e escritor brillante, lúcido, xa case centenario exerceu o seu humanismo crítico acerca da decadencia moral e social de Occidente, do neoliberalismo e as brutalidades do capitalismo salvaxe.

http://www.clubcultura.com/clubliteratura/clubescritores/sampedro/home.htm

  

"¡Indignádevos!"

"Rapaces, coidado, nós loitamos por conseguir o que tedes, 

agora tócavos a vós defendelo, mantelo e melloralo; 

non permitades que volo arrebaten".

Prólogo de José Luis Sampedro en "¡Indignádevos!" (INDIGNEZ-VOUS/2010) de Stéphane HESSEL (1917-2013) loitador polos dereitos humanos e membro da Resistencia contra os nazis, falecido en febreiro deste mesmo ano.

   "Eu tamén nacín en 1917. Eu tamén estou indignado. Tamén vivín unha guerra. Tamén soportei unha ditadura. Ao igual que a Stéphane Hessel, escandalízame e indígname a situación de Palestina e a bárbara invasión de Iraq. Podería achegar máis detalles, pero a idade e a época abondan para mostrar que as nosas vivencias sucederon no mesmo mundo. Falamos na mesma onda. Comparto as súas ideas e faime feliz poder presentar en España o chamamento deste brillante heroe da Resistencia francesa, posteriormente diplomático en activo en moitas misións de interese, sempre a favor da paz e a xustiza.

IES As Mercedes (Lugo): "ISTO FUNCIONA, NON O DESINTEGREDES"

Entre a primeira noticia (felicitación!) e a segunda ("desintegración"),

 pasou exactamente un mes

REFERENCIA DO CONSELLO DA XUNTA DO 21 DE MARZO DE 2013 
PRESIDIDA POLO SR.  FEIJÓO PARA A CREACIÓN DO CIFP "AS MERCEDES" 

>  https://docs.google.com/file/d/0B0qCkh8vVLBUMndGN2NqWGhoaTQ/edit


NOTICIA 1

(Voz de Galicia, 19 de febreiro de 2013)

"O conselleiro de Cultura e Educación felicita ao IES As Mercedes pola implantación no centro do sistema de eficiencia enerxética co que gañaron o certame de Schneider Electric"

Xesús Vázquez Abad presidiu a presentación do proxecto co que o instituto lugués se impuxo na 1ª competición de Eficiencia Enerxética na FP.

Como premio, o centro recibiu fondos para poñer en marcha as solucións técnicas propostas no proxecto, coas que se agarda reducir nun 20% o consumo.

O conselleiro anunciou ademais a próxima adxudicación das obras para a reforma dos talleres do instituto.

“O conselleiro de Educación visita o IES As Mercedes para coñecer o seu sistema de eficiencia enerxética” 

O instituto de Lugo gañou coa iniciativa ou primeiro certame Schneider Electric, convocado polo Ministerio de Educación, Cultura e Deporte.

O proxecto foi elaborado polos estudantes de segundo curso do ciclo formativo de Eficiencia Enerxética e Enerxía Solar Térmica, baixo a titoría de Alberto Pereira e Víctor Paz. Ademais do conselleiro, ao acto desta mañá asistiron, entre outros, o director do instituto, Juan Antonio López Fernández; o alcalde de Lugo, José López Orozco; a delegada dá Xunta en Lugo, Raquel Arias; o xefe territorial de Educación, Jesús José Ramos Ledo; e o deputado e portavoz do grupo municipal do PP na cidade, Jaime Castiñeira.

«Demostrastes que sodes quen de realizar un esforzo con fins académicos e sabedes que, para obter uns froitos, ten que haber moito traballo detrás. As nosas máis sinceras felicitacións pola vosa madurez, que de seguro vos abrirá moitas portas», destacou Vázquez.

Máis información, AQUÍ > http://www.edu.xunta.es/web/node/8654

NOTICIA 2 

(Voz de Galicia, 19 de marzo de 2013)

“Dimite o equipo directivo do IES As Mercedes de Lugo. Educación acaba de comunicar a transformación do instituto en Centro Integrado de Formación Profesional (CIFP)”  

Case 200 alumnos e 28 profesores do IES As Mercedes serán trasladados. Educación converte o instituto en centro integrado de FP e suprime a ESO e o BAC.

O paso a CIFP do IES As Mercedes deixa o sur da cidade sen instituto.

Educación enviará a ESO e o BAC ao San Xillao, ao Lucus e ao Feminino.

Preto de 200 alumnos e 28 profesores do IES As Mercedes de Lugo serán trasladados o curso que vén a outros institutos. A Consellería de Cultura e Educación anunciou onte a conversión do instituto da Avenida de Madrid en Centro Integrado de Formación Profesional (CIFP), unha medida que ampliará a oferta de ciclos formativos do centro, pero que implicará a supresión dos ensinos de ESO e Bacharelato.

Pouco despois de coñecer a decisión, que segundo confirmaron distintas fontes foi tomada «de xeito unilateral», sen consultar nin ter en conta á comunidade educativa afectada, a dirección do instituto, encabezada por Juan Antonio López Fernández, presentaba a dimisión.

O cambio obrigará a reorganizar de arriba a abaixo o funcionamento do centro, onde ata agora cursaban a secundaria obrigatoria estudantes provenientes dos CEIP As Mercedes e Illa Verde, de Lugo, e do Corgo. Desde o gabinete de prensa de Educación indicaron que aínda se descoñece a que institutos será adscrito a partir de setembro ese alumnado.

Nunha situación similar atópase a trintena de docentes que imparten materias na ESO e en BAC. Ao parecer, nestes momentos do curso o prazo de solicitude do concurso de traslados xa está pechado, polo que as opcións para elixir outro destino redúcense. Algúns dos profesores criticaron con dureza «a improvisación» con que se está levando a cabo o proceso. «Se nos avisasen con tempo poderiamos ter feito doutra maneira», indicaron.

Máis informacións, AQUÍ > 

* Voz de Galicia
http://www.lavozdegalicia.es/temas/ies-as-mercedes?idioma=galego

* Progreso
http://elprogreso.galiciae.com/?accion=buscar&en_tags=&texto=As%20Mercedes

* Galicia Confidencial

http://galiciaconfidencial.com/nova/13887.html

* Xornal Galicia.com
http://www.xornalgalicia.com/index.php?name=News&file=article&sid=90150

* Praza Pública
http://praza.com/movementos-sociais/3930/a-xunta-converte-institutos-en-centros-integrados-e-masifica-mais-aulas-de-secundaria/

* Blog da ANPA do IES As Mercedes
http://anpaasmercedes.blogspot.com.es/

* Blog > As mercedes loita
http://asmercedesloita.blogspot.com.es/

     

No día da árbore e da poesía, un poema de Darío Xohán Cabana

O MUNDO chámase carballo

O MUNDO chámase carballo.
Podía ser
abedueira, chopo,
capudre, castiñeiro,
sobreira, virgondoiro,
teixo sombrío ou freixo de tríplice raíz.


Pero non,
o mundo chámase carballo
desde que o mundo é mundo.


Deitouse o avó
dos avós dos avós
á sombra do carballo,
e adormeceu, e o soño
naceulle dunha landra
coma cerebro, fixo
dúas follas minúsculas
e unha raíz que axiña
se dividiu buscando
sales, metais, materias
orgánicas escuras,
colleu pulo, estrincouse
sobre a terra, tirou
da seiva cara arriba,
xemou en tres, en catro, en cinco gallas,
abriuse lento coma un mundo,
formou roda, os paxaros
aniñaron nas fronzas,
e o peto carpenteiro
carpentaba buratos.

Un poema de Manuel María para recibir a primavera

Cervo, flor dun soño, tremor
emocionado da terra
cando se prepara alborazada
para receber á primaveira,
tépedo vento milagreiro
que cruzas e iluminas
á floresta, lóstrego
que deixas nos nosos ollos
a sorpresa, a camelia gris,
pura e branca da nostalxia.

Cervo feito de luz, orballo,
claridade de alba, símbolo
do meu perfecto amor maduro
de anceios, de soños e de sedes:
gallopa novamente ó meu
cansado corazón esgarecido
para que poida sentir
unha vez máis, só unha vez,
             á xuventude
florecendo de novo no meu sangue.

[ Manuel María. Miniescolma. Monforte de Lemos: Edición de autor, 1998]

A xeito de curiosidade:

Esta poesía publicouse por vez primeira na páxina 16 da revista do Instituto de FP (hoxe IES) "A Pinguela" de Monforte o 3 de xaneiro de 1989, sendo eu profesor e coordinador da mesma, durante a miña estadía de tres anos na cidade do Cabe. 

Un grupo de alumnos do Instituto pedíronlle a Manuel María un poema para a revista e agasallounos con esta marabilla, inédita naquel momento. 

Máis tarde publicaríase en antoloxías do poeta chairego. 

Na lembranza daqueles tempos, unha vez máis, grazas a Don Manuel pola xentileza e xenerosidade que tivera connosco.   

A revista faciámola de xeito artesanal, sen ordenadores, cunha máquina de escribir "Olivetti-LETTERA 35" do centro, e o deseño, debuxos e ilustracións, elaborábano a man os propios rapaces. 

1989. Eran outros tempos...

Liortas na RAG. O que nos faltaba!

 

liorta s.f. 

1. Enfrontamento entre dúas ou máis persoas no que hai berros, discusións e incluso golpes. Formaron tal liorta, que ao final tiveron que separalos. Sinónimos: baralla, barallada, lea, lida . cf. algarada , algareo , algueirada . Seica houbo liorta entre eles. Sinónimos: agarra , altercado, camorra, disputa , pendencia , porfía , querela , refrega, rifa, zarracina . 

2. Asunto, situación etc., difícil de resolver. Non me veñas con liortas ... Sinónimos: cerellada, embrolla, enguedello, enleada, enredo, lea, leria, marfallada, zaragallada, zarangallada, zarapallada . 

3. Situación confusa con moito ruído e desorde. Coa liorta que arman non hai quen durma. Sinónimos: barullo , confusión , lea , rebumbio . cf. cotarro, galimatías. 

"A garrotazos" de Francisco de Goya. 1819  (Pinturas negras na Quinta do Xordo)

A xente "do común" espera da RAG algo máis ca isto

Qui prodest/Cui bono? A quen beneficia?

Qui dolet? A quen prexudica? ( Non * perxudica)
Velaí /Ei-la cuestión... (That is de question!)

"Como asaltar bancos e caixas de aforro con éxito"

O galego como lingua útil.

Tense dito mil veces, cen mil veces, millóns de veces, que o idioma galego non é un idioma útil, o que é certo nun determinado sentido da utilidade. Nos que así pensan subxace este esquema, estas tres premisas:

a) O galego non serve fóra das fronteiras do noso pequeno país; por conseguinte, o castelán (e aínda máis o inglés) é de maior utilidade.

b) O galego, secularmente idioma non escalafonal, é unha lingua que non produce diñeiro; sen embargo o castelán (e aínda máis o inglés) chaman polo diñeiro: teñen maior utilidade.

c) O galego ten sido (dito dun xeito moi impreciso) a lingua da xente non distinguida e/ou non poderosa; polo tanto o outro idioma da polémica, o castelán, ten máis utilidade.

¿Para que -pregúntanse moitos pais, moitas nais- o ensino dunha lingua así? Desde unha filosofía tan vulgar, tan inmoral da utilidade teñen toda a razón do mundo. Agora ben, eses pais e esas nais deberían esixiren nos nosos institutos a disciplina "como asaltar bancos e caixas de aforro con éxito", saber moito máis útil có castelán e o inglés xuntos. Quizais os asustase tanta coherencia.

Desde outra "moral" pódese pensar que o galego é un idioma útil, entrañablemente útil.

¿Haberá maior utilidade espiritual que entendérmonos na voz natural e cálida da maioría dunha comunidade?¿Haberá utilidade máis gratificante cá de non subestimar e ferir a ninguén porque fale a súa lingua histórica? ¿Haberá utilidade máis humana có feito de enfrontármonos coa construción do futuro sen rexeitarmos ou acomplexarmos, a realidade presente?

Xesús Alonso Montero , “ Lingua e administración” (1990?)

_______________________________________________________________________________

CUESTIÓNS PARA COMENTARIO:
1. Que "utilidade" ten para ti o galego? e o español? e o inglés?

2. Por que di o texto que o castelán e o inglés "chaman polo diñeiro"?

3. En que idioma realizas ti cada unha das funcións da lingua? por que usas ese idioma? 
Cres que o galego é valido para todas estas funcións? Xustifícao.

O conflito lingüístico. Definición, causas e consecuencias.

                        

                                                              Apuntes lingua from IES

8 de marzo, día da muller traballadora

A escola de Doloriñas de Julia Minguillón  (Lugo 1906 - Madrid 1965) 

 Museo de LUGO

Con este fermoso cadro a pintora enxalza por un lado, o mundo rural, 
e por outro, unha actividade que esqueceran os seus colegas pintores 
masculinos da época: a do traballo dunha muller mestra.

125 aniversario de Otero Pedrayo (5 de marzo de 1888 - 1976)

Busto de Ramón Otero Pedraio, na Praza Maior de Lugo

Considerado o "Patriarca das letras galegas", pertenceu á Xeración Nós e é un dos máis preclaros escritores galegos. Traballou diversos xéneros: ensaio, novela, poesía, ademais dos

estudos científicos de xeografía da súa cátedra da Universidade de Santiago.

Aínda que a actividade poética de Otero Pedrayo se pode considerar como algo marxinal 
dentro da súa ampla obra literaria, ten poemas soltos como este famoso 

Himno ao xamón 

Groria do porco, frol da invernía,
sona da casa, lapa de carne
Xamón.
Densidá ilustre da cena sabia,
gracia e potencia, rosa do pote,
Xamón.
Coallo dos froitos todos da terra,
labio fresqueiro, mantenza antiga,
Xamón
Febra xugosa, rica canteira onde
se curtan limpos poliedros
Xamón.
Benedictina fartura ilustre de Oseira e
Samos, coartel famoso,
Xamón.
Rei da lareira, carne petrucia, da Raza
esgrevia gardas o zume,
Xamón.
De rica alquímia Summa suprema,
(Fariña, poma. Landra, castaña.)
Xamón,
Sal do fumeiro, na noite negra
do viño en xerra irmán doado,
Xamón
Pai das artritis, das esclerosis .
fildalgas doenzas do pazo antergo,
Xamón.
Tentación dura pra o anacoreta,
coor de meixela, carne de lume,
Xamón.
Do chan galego tes a dozura
se a meias coces con fachas secas,
Xamón
Sono adoecido do triste abstemio
farto de berzas, todo augachirle,
Xamón,
Pra tí frolecen os soutos vellos,
medran as hortas, madura o nabo,
Xamón.
Para gabarte cantóu Homero,
brilas no hexámetro, manxar heroico
Xamón
Liturxias vellas impós ós fieis
aristocrática, feudal mantenza,
Xamón
Coma o pescado roxo e sabroso
amoleciches ó funcionario,
Xamón
Do norte xiado veu pra buscarte
o loiro suevo fillo da guerra,
Xamón.
Da xente aria vella mantenza,
na túa presencia trema o Semita,
Xamón.
Triste xudeu farto de ovella
morre de envexa pola túa groria,
Xamón.
Criado con calma, mimo, coidado,
da esencia do agro síntesis rara,
Xamón.
Mentras o fígado come o escolante,
ríllate ancioso o forte abade,
Xamón
Tes en Caldelas forte crianza
na neve xiada das cumes outas,
Xamón.
Dacón por ti goza de sona
de ser Porcópolis, Chicago noso,
Xamón.
Papa das carnes, cardealicio,
archimandrita da limpa mesa,
Xamón.
Homildemente a tí chegamosos
pelingrinos, fartos de légoas,
Xamón.
E no teu gosto fresco e potente
teñen consolo as nosas fames,
Xamón.
¡Rei da mantenza, sol do fumeiro,
que sempre agardes nosa chegada
Xamón.

Información sobre a vida e obra de Otero en >

http://gl.wikipedia.org/wiki/Ram%C3%B3n_Otero_Pedrayo

http://www.galegos.info/gl/ramon-otero-pedrayo

E unha curiosidade relacionada coa RAG >