O IES AS MERCEDES NON DI ADEUS…
FESTA FIN DE CURSO
Nota de prensa: 21/06/2013 > http://anpaasmercedes.blogspot.com.es/
A pesar da choiva; a pesar de, á ultima hora, termos que trasladar a FESTA FIN DE CURSO dende a praza de Augas Férreas ao pavillón do Instituto, temos que expresar públicamente a nosa satisfacción pola elevada participación na mesma superando, ao respecto, as máis optimistas expectativas. A todas e a todos a gratitude desta plataforma a todos os asistentes polo seu compromiso con esta reivindicación.
E se a participación na festa superou todas as expectativas, non menos sucedeu coas actuacións de grupos e artistas que, dende o escenario e de forma altruísta, prestaron a súa palabra, a súa voz, a súa arte, a súa música, a súa maxia, os seus contos ou os seus chistes a esta reivindicación en defensa do IES AS MERCEDES, en defensa do Ensino Público.
A nosa gratitude:
-Aos alumnos da ESO polos súas “píldoras” de denuncia, indignación e esperanza.
-Ás alumnas de 1º da ESO polas súas voces e percusión.
-Á nosa alumna Judit, pola súa voz e a súas cancións.
-Ao noso alumno Denis polo seu acompañamento de gaita.
-Ao mago Rafa polo seu entretenemento.
-Ao grupo Batital e á nosa profesora Elba por toda a súa alegría.
-Aos contacontos Lois Pérez e a Xan Carlos polas súas historias.
-Ao grupo Tundal pola súas cancións de cego.
-A Milucho polos seus chistes.
-A Álvaro polo seu poema de Celso Emilio Ferreiro.
-Á coral do Illa Verde, a Estoupacaldeiros, a Os Minhotos, ao escritor Antón Reigosa e a moitos outros, pola súa disponibilidade a pesar de que, por falta de tempo, non teñamos podido disfrutar das súa voz e das súas historias.
A gratitude tamén a todos os negocios da zona pola súa colaboración con esta festa, ben colaborando coa organización, ben ofrecendo os lotes de obsequios do sorteo final.
GRAZAS A TODOS ELES A REIVINDICACIÓN QUE ONTE ENCHEU DE SOLIDARIEDADE O PAVILLÓN DO INSTITUTO, CONTINÚA HOXE E CONTINUARÁ MAÑÁ E SEMPRE NA CONCIENCIA DE TODA A CIDADE
UNHA REIVINDICACIÓN CON ESTA APORTACIÓN DE SOLIDARIEDADE E XENEROSIDADE, POR MÁIS QUE QUEIRAN IGNORALA DENDE O GRUPO MUNICIPAL DO SR CASTIÑEIRA, DENDE A DELEGACIÓN TERRITORIAL DE EDUCACIÓN DO SR. RAMOS LEDO OU DENDE A XEFATURA TERRITORIAL DE RAQUEL ARIAS, NUNCA PODE ESTAR PERDIDA.
CONTANDO CON TODO ESTE APOIO, CONTANDO CO APOIO DE TODA A CIDADE DE LUGO, O NOSO COMPROMISO DE MANTER ESTA REIVINDICACIÓN ATA VOLVER A TER O INSTITUTO PÚBLICO DE ENSINO SECUNDARIO QUE A ZONA SUR DA CIDADE NECESITA
O IES AS MERCEDES NON DI ADEUS…
"Un día sen aprender é un día perdido. Ante arbitrarias decisións aprendemos a loitar polo Centro donde nos ensinaron a aprender. Esta lección no pode ser inútil"
Andrea Castro. Alumna de 3·º ESO
O até agora técnico de normalización lingüística do Concello da Estrada e coordinador da Rede de Dinamización Lingüística da Xunta é o substituto de Anxo Lorenzo á fronte da Secretaría Xeral de Política Lingüística do goberno galego, co que xa estaba colaborando. Anxo Lorenzo, por outra banda pasa a ser Secretario Xeral de Cultura, un dos cambios derivados da remodelación do goberno galego.